Մոդուլ #6: Հյուրընկալության հիմունքներ

Այս մոդուլի շրջանակներում տրամադրվեցին գործնական գիտելիքներ հյուրընկալության ոլորտի և դրա ենթաճյուղերի մասին, որոնք հիմնականում կապված են հյուրանոցների և ռեստորանների կառավարման և ժամանցային օբյեկտների ոլորտի հետ: Մոդուլը պատմում է ոլորտի հեղինակավոր մասնագետների և կայացած բիզնեսների փորձը: Այն կօգնի HoT ուսանողներին մշակել զբոսաշրջային արտադրանք, սկսել կամ զարգացնել իրենց բիզնեսը հյուրընկալության ոլորտում և բարելավել իրենց հմտությունները որպես հյուրընկալության ոլորտում պոտենցիալ աշխատակիցներ: Ուսուցումը կազմակերպվեց ինչպես տեսանյութերի այնպես էլ ինտերակտիվ հանդիպումների միջոցով: Մոդուլի ֆորմատային առանձնահատկություններից էր նաև դեմառդեմ աշխատարանի առկայությունը, որի ընթացքում ուսանողները կարողացան ցուցադրել յուրացված գիտելիքները. մասնավորապես կազմակերպվեցին աշխատարաններ Երևանում, Իջևանում, գ.Նորաշենում և Սևանում:

Հյուրընկալության հիմունքներ մոդուլը դասավանդեցին Արմենթրիփ եւ Հորիզոն թրեվել ընկերությունների ներկայացուցիչներ Անի Շալջյանը և Անի Մարտիրոսյանը։ 2014թ․ հիմնադրվելուց ի վեր ընկերությունն հյուրընկալել է ավելի քան 2000 զբոսաշրջային խումբ Հայաստանում և ունի վերադարձող հաճախորդներ 30%-ի չափով, ովքեր Հայաստան են վերադառնում երրորդ կամ չորրորդ անգամ։

Ահա HoT Վիրտուալ քոլեջի Հյուրընկալության հիմունքներ մոդուլի լավագույն 10 HoT ուսանողները՝ ըստ ցուցաբերած լավագույն արդյունքի, ընդ որում առավելագույն միավորներ ստացել են մի քանի ուսանող և կիսում են առաջին երեք հորզոնականները: Լավագույն ուսանողների, խմբերի և դեսպանների համար գործում են խրախուսման անհատական մեխանիզմներ։

Քանի որ ծրագիրը կիրառում է ճկուն և մարդակենտրոն մոտեցում, մենք մշտապես կապի մեջ ենք գտնվում մեր ուսանողների ու դասախոսների և հրավիրված խոսնակների հետ՝ իմանալու յուրաքանրչյուրի կարծիքն ու դիտարկումները, մեզ հետաքրքիր ու անհրաժեշտ է լսել արձագանքը ծրագրի մասին, որպեսզի կարողանանք բարելավել ծրագիրը և առավելագույնս ծառայեցնել շահառուներին։ Այդ նպատակով յուրաքանչյուր մոդուլի հետո իրականացվում է հարցում։